Shiva-Sankalpa-Sūktam

OM yaj jāgrato dūram udaiti, daivaṁ 

 

tadu suptasya tathaivaiti,
dūraṅgamaṃ jyotiṣāṁ jyotir ekaṁ,
tan me manaḥ shiva-saṅkalpam astu.

 

yena karmāṇyapaso manīṣiṇo,
yajñe kṛṇvanti vidatheṣu dhīrāḥ,
yad apūrvaṃ yakṣaṁ antaḥ prajānāṁ,
tan me manaḥ shiva-saṅkalpam astu.

 

yat prajñānam uta ceto dhṛtiś ca
yaj jyotir antar amṛtaṁ prajāsu,
yasmān na ṛte kiñcana karma kriyate
tan me manaḥ shiva-saṅkalpam astu.

 

yenedaṁ bhūtaṃ bhuvanaṁ bhaviṣyat
pari-gṛhītam amṛtena sarvam,
yena yajñas tāyate sapta hotā
tan me manaḥ shiva-saṅkalpam astu.

 

yasminn ṛcaḥ sāma yajūṁṣi yasmin
pratiṣṭhitā ratha-nābhāvivārāḥ,
yasmiṁś cittaṁ sarvam otaṁ prajānāṁ
tan me manaḥ shiva-saṅkalpam astu.

 

suṣārathir aśvān iva yan manuṣyān,
nenīyate ‘bhīśubhir vājina iva,
hṛt-pratiṣṭhaṁ yad ajiraṁ javiṣṭhaṁ
tan me manaḥ shiva-saṅkalpam astu.

 

OM shāntiḥ shāntiḥ shāntiḥ.